Ljóslögn á milli Akureyrar og Varmahlíðar er lokið.

Lögnin er 96 km og er hluti af hringtengingu (Áttu) Orkufjarskipta. 

Framkvæmdir hófust um miðjan júní 2022, þegar framkvæmdaleyfi lá fyrir, og lauk í byrjun desember 2022. Verkið var unnið í samstarfi við Mílu og Ljósleiðarann. Hönnun á lagnaleið, eftirlit og verkumsjón var í höndum Tengis hf. á Akureyri í samvinnu við Orkufjarskipti. Jarðvinnuverktakar voru Vinnuvélar Símonar og Steypustöð Skagafjarðar.

Myndin var tekin á framkvæmdastað skömmu eftir að framkvæmdum lauk.

 Birt 16. febrúar 2023.

Ljóslögn á milli Sveinatungu og Vatnshamra í Borgarbyggð er lokið

Lögnin er 58 km og er hluti af hringtengingu (Áttu) Orkufjarskipta. 

Framkvæmdir hófust um miðjan september 2020, þegar framkvæmdaleyfi lá fyrir, og lauk 1. október 2021. Verkið var unnið í fjórum áföngum og var hönnun á lagnaleið, eftirlit og verkumsjón í höndum Borgarbyggðar (þrír áfangar) og Rarik (einn áfangi). Orkufjarskipti hannaði eigin tengistaði.

Myndin  var tekin meðan á framkvæmd stóð við Ferjukot.

 Birt 19. maí 2022.

Lagningu ljósleiðara fyrir Streitishvarf, frá Ósi í Breiðdal að Núpi, í Berufirði er lokið

Lögnin er 10,2 km og er hluti af „áttu“ Orkufjarskipta. 

Framkvæmdir hófust þegar framkvæmdaleyfi lá fyrir og lauk í ágúst 2021. Hönnun og umsjón var í höndum Orkufjarskipta og var verkið unnið í samstarfi með Rarik.

Myndin  var tekin meðan á framkvæmd stóð við þjóðveginn (1) í Breiðdal.

 Birt 26. október 2021.

Ljóslögn fyrir fjarskipti orkugeirans um Lónsheiði er lokið

Með lagningunni kláraðist rúmlega 13 km áfangi frá Stekkjartúni í Álftafirði að Hringvegi (1) í Lónsfirði. Lokið var við verkefnið í júlí 2021. 

Verkefnið er hluti af hringtengingu ljósleiðarastofns um landið sem tengir saman helstu mannvirki í raforkukerfinu. Með ljóslögninni eykst raforkuöryggi svæðisins þar sem auðveldara verður að hafa eftirlit með og verja og stýra kerfinu. Verkefnið var hannað af Orkufjarskiptum hf.

Þegar fyrir lá samþykki landeigenda og umsagnir Umhverfisstofnunar, Minjastofnunar, Hafrannsóknastofnunar og Fiskistofu var sótt um framkvæmdaleyfi til Djúpavogshrepps sem veitti leyfið í ágúst 2020.

Steypustöð Skagafjarðar sá um jarðvinnu í verkefninu.

Myndirnar voru teknar á Lónsheiði á framkvæmdatíma.

 Birt 16. júlí 2021.

Ljóslögn fyrir fjarskipti orkugeirans í Hamarsfirði og Álftafirði, S-Múlasýslu, er lokið

Verkefnið er hluti af hringtengingu ljósleiðarastofns um landið sem tengir saman helstu mannvirki í raforkukerfinu. Framkvæmdin nær frá tengivirki Landsnets við Teigarhorn að tengistað Orkufjarskipta við Starmýri í Álftafirði. 

Hönnun lagnaleiðarinnar var í höndum Orkufjarskipta. Framkvæmdaleyfi Djúpavogshrepps voru veitt 15. júní vegna framkvæmda við tengivirkið við Teigarhorn og 14. ágúst 2020 vegna framkvæmda þaðan að Lónsheiði. Lágu þá fyrir samþykki landeigenda ásamt jákvæðri umsögn Minjastofnunar og Vegagerðarinnar. Fornleifaskráning var gerð fyrir lagnaleiðina.

Framkvæmdir hófust haustið 2020 og lauk vorið 2021. Steypustöð Skagafjarðar sá um alla jarðvinnu og Rafal sá um blástur og tengingar.

Samkvæmt samningi við sveitarfélagið voru samhliða lagðar heimtaugar að heimilum á leið strengsins, í tengslum við átaksverkefni stjórnvalda Ísland ljóstengt .

Myndirnar voru teknar á meðan framkvæmdir voru í gangi. 

 Birt 10. júní 2021.